गजल "तिम्रै लागी"

परेलीका आँसु पिई तिम्रै लागी बाँची दिन्छु
खुसी हरु सजाएर तिम्रै लागी साँची दिन्छु||

तिमी हिड्ने बाटो भरी फुलै फुल सजाउदा
बाटो छेक्ने काँडा हरु तिम्रै लागी भाँची दिन्छु ||

खुसी हरु टाढा हुदा रिसाएर हामी देखी
दुख साटी हाँसो संग तिम्रै लागी नाची दिन्छु

मिलनको संघारमा अंगालोमा तिमीहुदा
धड्कनको चाल थामी तिम्रै लागी जाँची दिन्छु ||

मदन डुम्रे "बिद्रोही"

२९ असार २०६७

“गजल” सम्झन नी’ छोड्यौ सानु

बाडुल्की नी’ लाग्या छैन, सम्झन नी’ छोड्यौ सानु
सपनीमा भेटिंदैनौ, मन कता मोड्यौ सानु||

जतन गरी मुटुभित्र, राखेकोछु भन्थें माया
अनायासै मनको द्वार, कसो गरी तोड्यौ सानु||

जीवनभरी साथ दिने, बाचा-कसम सबै भुली
दोबाटोमा एक्लै पारी, अन्तै नाँता जोड्यौ सानु ||

संसारमा दु:ख-सुख, सबै हेर्ने नजर भन्थ्यौ
आज आफै सिंगारीदै, धनको ओढ्नी ओड़यौ सानु||

मदन डुम्रे”बिद्रोही”

बिछोड को याद “कविता “

मलाई छोडी नजाउ भनी तगारो मा बसी रुँदा
आँसु सागर बगाउदै दुइ हातले पाउ मा छुदा ||

मैले तिमीलाई समस्याका नाली बेली देखाउदा
अझै पनि यादछ मलाई बँचन बस्यो बोलाउदा ||

मलाई पनि मन थिएन रुवाऊदै तिमीलाई छोड्ने
देउरालीमा खा’को कसम चोखो बचन यसै तोड्ने

पूर्व बाट अस्ताउदै जुनले पनी रोक्दै थियो
प्रभातको शिशिर ले पात मा सीत पोख्दै थियो ||

क्षितिज बाट हेरी रहे तिम्रो त्यो अतिम बिदाई
नजरले देख्नै छाड्यो मन थाम्न गार्हो मलाई ||

याद आउछन यात्रा भरी तिम्रा मिठा कुरा हरु
बिछोडले रोप्दै थियो मुटु भरी छुरा हरु ||

पर्खी बस फर्की आउछु अस्ताएको उषा सरी
संगै बस्ने हाँसी खुसि चखेवाले जस्तै गरी||

मदन डुम्रे”बिद्रोही”
५ जेठ २०६७

गजल

हाम्रो माया दुखाँउने शूल होइन बिन्दू
जानी जानी गरीएको भुल होइन बिन्दु ||

सँधै संगै हुनुपर्छ तारा जुन जस्तै
चैत मास सुकिजाने मूल होइन बिन्दु||

जोडी होस चखेवाझैँ माया माया भा’को
हात लाग्दा बिझाउने फुल होइन बिन्दु||

हेरे राम्रो राम्रै हुन्छ आफ्नै नजरले
खोली तर्दा भत्की जाने पुल होइन बिन्दु||

नजीर होस समाजमा हाम्रो जोडी सधै
एकै पल्’मा हराउने हुल होइन बिन्दु ||

मदन डुम्रे “बिद्रोही"