गजल “नडराउ”

पूर्णिमाको रातमा बोल्दा नडराउ

चुलिएका चाहना खोल्दा नडराउ||

जून जस्तो मुहार हुदा समिपमा

अंगालोको रापले पोल्दा नडराउ||

मिलनको नशाले हुदै मदहोस
मायाको त्यो मिठास घोल्दा नडराउ||

मधुमास नहोला सधै जीवनमा
कैले काँही यसले टोल्दा नडराउ||

नाफा-घाटा मायामा हुन्न भन्दा पनी
बिछोडले औशीमा मोल्दा नडराउ ||

टोल्दा = झुक्याउँदा
मोल्दा= मूल्य बोल्नु /मोलतोल गर्नु
चाप्लुसी गर्नु

मदन डुम्रे”बिद्रोही”
७ आषाढ २०६७