“गजल”

जीवनको हरेक मोडमा समाइदेउ हात तिमी
बिगारेछु ओठको चाल’त बनाइदेउ बात तिमी ||

आफ्नोभन्नु संसार भरमा तिमी मात्रै छैन कोही
सबै हुदा पराई दुख:मा नलाइदेउ घात तिमी ||

कति दिन बिताएँ मधुर मिलनको आशा राखी
फर्कनेछु संगाली सपना सजाइदेउ रात तिमी ||

सुखदुख: साटेर जीवन संगै बाँच्ने संगै मर्ने
बाचा गरी संगिनी मायाको लगाइदेउ खात तिमी ||

थाहा छैन त्यो’हात बिनाको कस्तो हुन्छ यात्रा मेरो
यसैगरी दिनु’है सहारा सबै जुनी सात तिमि ||