“बन्द भएको मेरो देश” गजल

यात्री हरु अलपत्र बाटो नभेट्दा
कसो गरी बन्द खुल्छ साटो नभेट्दा ||

जताततै अस्त ब्यस्त मात्रै अशान्ति
कहाँ बाट सुरु भयो फाटो नभेट्दा ||

ज्यामी पनि हात बाँधी बस्नु पर्नेभो
काम गरी पेट पाल्ने माटो नभेट्दा ||

बुझ्ने हरु नबुझेझै किन अलमल
अशान्तिले निम्त्याउने पाटो नभेट्दा ||

कति दिन बस्ने हामी लड्दै आपसमै
आफ्नै घरको धुरी कस्ने भाटो नभेट्दा ||

मदन डुम्रे “बिद्रोही”
स्याङ्जा नेपाल

२१ बैशाख २०६७