“गजल” गाँउबेशी

एकान्त ले गिज्याँउछ गाँउबेशी गर्दापनि
लहर ले जित्छु भन्छ मन्’को नदी तर्दा पनी||

बाटो भरी काँडै काँडा बिछोड ले रोपीदिदा
हिंड्छु भन्ने कस्तो चाह अश्रु धारा झर्दा पनी||

जीवन यो यस्तै रै’छ खुसीका पल् भेट्नै गार्हो
ठिकैभा’को भान हुने मुटु अन्तै सर्दा पनी ||

रुँनु भन्दा गार्हो हुने आफै लाई सम्झाउन
रमाउने प्रयास मै आफ्नो मन मर्दा पनि||

मदन डुम्रे “बिद्रोही”
थुमपोखरा५ छोरेखर्क स्याङ्जा